Ex Galeni Commentariis De Fasciis (From Galen's Commentaries on On Bandages)
Kühn 1829
τις ἐπιδεδεμένος μέλλοι, σκέψαι τίνα τε τὴν ἐνέργειαν
ἐνεργήσει καὶ περὶ τί τῶν ἔξωθεν. οὕτω γὰρ δυνήσει καὶ
τὴν ἐν αὐτῇ τρίβον ἐξευρεῖν, αἱ δ’ ἐνέργειαι δῆλον ὅτι κατὰ
τὰς διαρθρώσεις γίνονται. φυλάξει τοίνυν αὐτὰς ἀεὶ καὶ
μάλιστα τὰς μελλούσας ἐνεργεῖν ἐπιδεδεμένου τοῦ κάμνοντος.
εἰ γὰρ τὸ συνέχον ὅλον τὸ ἅμμα τεθείη κατὰ τῶν
μάλιστα σχηματιζομένων μορίων ἐν ταῖς κινήσεσιν ἀναγκαῖον
ἔσται ποτὲ μὲν χαλαρὰ περαιτέρω τοῦ προσήκοντος, αὖθις
δὲ θλίβοντα γίγνεσθαι τὰ ἅμματα, καθ’ ἡντινοῦν ἐπιβεβλημένα
διάρθρωσιν. τῶν δ’ ἐπιδέσμων ἁπλαὶ τρεῖς εἰσιν ἐπιβολαὶ,
ἔγκυκλος μὲν ἡ κατὰ κύκλον ἀπαρέγκλιτος, περιλαμβάνουσα
τὸ πεπονθὸς μέρος, ἐφ’ ἧς τὰ τῆς δευτέρας καὶ
τρίτης ἐπιβολῆς τῶν ὀθονίων τοῦ πλάτους πέρατα κατ’ ἀλλήλων
ἐπικείσεται, μήτ’ ὑπερέχοντός τινος, μήτ’ ἐνδέοντος.
τὴν δ’ ἐπ’ ὀλίγον ἐγκεκλιμένην σκέπαρνον ὀνομάζομεν, ὥσπερ
γε τὴν ἐπὶ πολὺ σιμήν. τὸ δὲ τῆς ἐπιδέσεως εἶδος
ὃ καλοῦμεν ὀφθαλμὸν, ἐπ’ ὀφθαλμοῦ παραλαμβάνομεν, ἤτοι
προπεσεῖν κινδυνεύοντος ἢ κρατήματος ἕνεκα τῶν ἐπικειμένων
Work
Title: Ex Galeni Commentariis De Fasciis
English: From Galen's Commentaries on On Bandages
Original: Ἐκ τῶν Γαληνοῦ ὑπομνημάτων περὶ ἐπιδέσμων
Domains: Medicine
Text information
Type: Original
Bibliographic information
Publication type: Book
Author/Editor: Kühn, Karl Gottlob
Title: Claudii Galeni Opera Omnia
Published: 1829
Series: Claudii Galeni Opera Omnia
Volume: 18
Number: 1
Pages: 828-838
Publisher: Cnobloch, Leipzig
Download
Galen-Gr_112.xml [21 Kb]